ختيار خليلي

السلام عليكم

يسعد مساكمـ

كنت عم بقرأ برسائل الايميل

وضحكت عالنكته

قلت أنقلها إلكمــ

أتمنى أن تنال على اعجابكمـ






كان في واحد خليلي ختيار يروح كل يوم على البنك و يدخل 500 دينار بحسابه.

و في يوم من الأيام طلب المدير من الموظفين انهم ينادوه على مكتبه اول ما يجي.

لما اجى الخليلي الختيار و دخل البنك، دخلوه الموظفين على المدير؟

قاله المدير: انت وين بتشتغل؟
قال: انا عاطل عن العمل، ما الي شغل

قاله المدير: من وين بتجيب المصاري؟
قال: انا بظل اتحدى و اراهن الناس و بكل مرة بكسب

قاله المدير: انت كذاب، احكي عنجد ...

قال الخليلي: طيب، تراهن اني بقدر ابوس عيني على 250 دينار
قال المدير: براهن ...

قام الخليلي فك عينه، باسها، و رجعها ... عينيه تركيب

قاله المدير: كيف ؟؟

قال الخليلي: تراهن اني بقدر اعض أذني على 250 دينار
قاله المدير: براهن

قام الخليلي و طلع طقم سنانه، و عض اذنه و رجعها ... سنانه تركيب

اعطاه المدير 500 دينار و طلع الخليلي الختيار.

ثاني يوم لما دخل الخليلي للبنك نادوه الموظفين و د خلوه على المدير

قاله المدير: يا ابن الحلال، بكفي و رجعلي مصاري خلصتلي الراتب من اول الشهر
قال الخليلي: خلاص، انا براهنك على اشي، اذا انت فزت بعطيك كل مصاريك، و اذا انا فزت بتعطيني 250 دينار بس

فاله المدير: على ايش بدك تتحدى
قال الخليلي: بتحداك ان لون البوكسر الداخلي تبعك ازرق
قال المدير وهو فرحان: لا مو أزرق

قال الخليلي: لا أزرق

قال المدير: لا مو أزرق

قال الخليلي: اشلح بنطلونك عشان اشوف

فشلح المدير بنطلونه عشان يكسب الرهان.

التفت الخليلي على الموظفين القاعدين يتفرجوا ... و اخذ من كل واحد فيهم 250 دينار و قالهم: مش قلتلكم انه رح اخليه يشلح بنطلونه